ജംഇയ്യത്തുൽ ഉലമ ഏ ഹിന്ദ് ദേശീയ അധ്യക്ഷൻ മൗലാന മഹമൂദ് മദനിയുടെ നിർദേശപ്രകാരം ജമ്മുവിന്റെ വിവിധ ഭാഗങ്ങളിൽ ടെന്റുകളിൽ കഴിയുന്ന റോഹിങ്ക്യൻ അഭയാർഥികൾക്കായി പുതപ്പുകൾ, ജാക്കറ്റുകൾ, സ്കൂൾ ബാഗുകൾ തുടങ്ങിയവ വിതരണം ചെയ്തു.
ഇതുമായി ബന്ധപ്പെട്ട് ജംഇയ്യത്തുൽ ഉലമ-ഏ-ഹിന്ദ് ജനറൽ സെക്രട്ടറി മൗലാന ഹക്കിം-ഉദ്ദിൻ ഖാസ്മിയുടെ നേതൃത്വത്തിലുള്ള കേന്ദ്ര പ്രതിനിധി സംഘം ജമ്മുവിലെ ഇരകളുടെ താമസസ്ഥലം സന്ദർശിക്കുകയും അവരോട് സഹതാപം പ്രകടിപ്പിക്കുകയും ചെയ്തു. ജമ്മുവിലെ അസഹ്യമായ തണുപ്പിൽ വയലുകളിൽ ടെന്റുകളിൽ കഴിയുന്ന ഏറ്റവും പീഡിതരായ ജനങ്ങൾക്ക് 500 പുതപ്പുകളും 350 ജാക്കറ്റുകളും 150 സ്കൂൾ ബാഗുകളും വിതരണം ചെയ്തു.
